Монголын аялал жуулчлалын холбоо “International tourism mart -2017” олон улсын аялал жуулчлалын үзэсгэлэнг 18 дахь жилдээ зохион байгууллаа.
Энэ үзэсгэлэнд “Номадс Хоспиталити” ХХК амжилттай оролцож “Өвөрмөц оролцогч” байгууллагаар шалгарлаа.
Энэ жил Номадсын сүлжээний “Модерн номадс” рестораны 1, 6-р салбарууд, олон үндэстний хоолны “Феличита”, “Кавказ”, “Bds Mongolian barbeque” ресторан, орон нутагт Эрдэнэт хот, Сэлэнгэ аймгийн “Модерн номадс” ресторан, Дархан-Уул аймгийн “Техас” ресторан, мөн “Hotel nine” зочид буудал жуулчдыг хүлээн авч үйлчлэхэд бэлэн болоод байна.
“ITM Mongolia” үзэсгэлэн нь цар хүрээ, оролцогчдын тоогоор Монголд зохиогддог хамгийн том үзэсгэлэн төдийгүй аялал жуулчлалын бизнес эрхлэгчдийг хооронд нь холбож гэрээ хэлэлцээр хийж бараа бүтээгдэхүүнээ сурталчлах төрөл бүрийн боломж бүрдүүлж өгдөг онцлогтой юм.