Монголын Аялал Жуулчлалын Холбооны 25 жилийн ойг тохиолдуулан 04-р сарын 22-23 нд зохион байгуулсан “Tourism Cup-2017” сагсан бөмбөгийн аварга шалгаруулах тэмцээн амжилттай болж өндөрлөсөн байна. Аялал жуулчлалын салбарын байгууллагуудыг хамардаг тус тэмцээнд нийт 25 багийн 200 гаруй тамирчид хоёр хоногийн турш авхаалж самбаа, хурд хүчээ сорилоо. Сонирхолтой, өрсөлдөөнтэй болсон тус тэмцээнд эмэгтэй багуудаас Селена Трейвэл ХХК-ний баг хүрэл, Скай Ресорт ХХК-ний баг мөнгө, Хүннү Аэрлайнс ХХК-ний баг түрүүлсэн байна. Харин эрэгтэй багуудаас манай Номадс Хоспиталити ХХК-ний Э.Тогтмол ахлагчтай баг ХҮРЭЛ МЕДАЛЬ, Хатан Өгий жуулчны баазыг баг мөнгөн медаль, Селена Трэйвэл ХХК-ний баг түрүүлж аваргын алтан медаль, мөнгөн бөгж, цомын эзэн болжээ.
Энэхүү тэмцээн нь аялал жуулчлалын салбарын нийт байгууллагуудыг хамруулан жил бүр уламжлал болон зохион байгуулагдаж ирсэн бөгөөд манай эрэгтэй баг 2015,2016 оны аваргаар шалгарч байсан түүхтэй. Энэ жил амжилтаа бататган хамт олноо төлөөлөн оролцож Хүрэл медалийн болзол хангасан баг тамирчиддаа баяр хүргэж амжилт хүсье!