Пицца нь бусад хоол хүнс шиг анхнаасаа тийм ч алдартай байгаагүй байна. Пиццаг анх зохиосон байж болох улс орнуудыг маш олноор нэрлэдэг ч гэлээ нэрнээс нь авч үзвэл анх Италид үүссэн гэж ихэнх хүмүүс санал нийлдэг. Хамгийн анх маш том, хавтгай дугуй талх барьж дээр нь тос амтлагчид тавьснаар эртний Грекчүүд суурийг нь тавьсан гэж үздэг. Сүүлд хавтгай талх хийх санаа Италид 18-р зууны үед бүрэн хэрэгжиж Италичууд тэрхүү хавтгай талхаа пицца хэмээн нэрлэж худалдаалдаг байжээ. Тэр үед пиццан дээрээ ямар нэгэн хачир тавьдаггүй байсан ч хүмүүс их дуртай байдаг байсан байна. Ийнхүү хийхэд хямдхан,  амттай талхыг гудамжны худалдаачид Италийн ядууст  худалдаалдаг болжээ.

1889 онд хатан хаан Маргарита өөрийн нөхөр Умбэртогийн хамт Италид аялал хийжээ. Аялалаар явж байхдаа тэрээр маш олон хүмүүстэй уулзсан ба худалдаачид гудамжинд хүмүүс хавтгай том талх идэж байгаа маш олон хүмүүсийг харжээ. Хатан хаан тэрхүү талхыг амсаж үзэхийг хүсэж авчруулжээ. Хатан хаанд тэрхүү талх маш ихээр таалагдаж тэрээр ордны тогоочоороо хийлгүүлж иддэг болсон байна.  Хатан хааны тогооч Рафэлло түүнд зориулан  пиццан дээрээ улаан лооль, италийн бяслаг, цэвэр басил зэргийг Италийн далбааны улаан, цагаан, ногоон 3 өнгийг  бэлгэдэн тавьсан тусгай пиццаг хийж өгчээ. Энэ нь хатан хааны хамгийн дуртай пицца болсон  төдийгүй хатан хаан пиццанд дуртай гэсэн үг гарсанаар пиццаг хатан дээдсээсээ харц ядуус хүртэл амтархан иддэг амттан болгожээ. Мөн тэрээр өөрийн нэртэй Маргарита Пицца  хийлгүүлсэн ба энэ нь одоог хүртэл Италичуудын дуртай пицца төдийгүй дэлхий даяар түгсэн байна.